Հայաստանի ԱԳ նախարարը կայցելի Չինաստան

Հայաստանի արտաքին գործերի նախարար Արարատ Միրզոյանը հունիսի 24-ին կայցելի Չինաստան։ 

«Արմենպրես»-ի փոխանցմամբ՝ այս մասին հայտնել է Չինաստանի արտաքին գործերի նախարարությունը։ 

Նշվում է, որ Հայաստանի ԱԳ նախարարը Չինաստանում կլինի հունիսի 24-27-ը։ 

ՀՀ ԱԳ նախարարը Չինաստան է այցելում այդ երկրի արտաքին գործերի նախարար Վանգ Յիի հրավերով։