Իլհամ Ալիևը կմեկնի Թուրքիա

Թուրքիայի նախագահ Ռեջեփ Թայիփ Էրդողանը և Ադրբեջանի նախագահ Ալիևը Քահրամանմարաշում, որտեղ 2023 թվականի փետրվարին տեղի էր ունեցել ավերիչ երկրաշարժ, կմասնակցեն քաղաքացիներին բնակելի թաղամասի հանձնման արարողությանը։ 

Այս մասին, ինչպես հաղորդում է «Արմենպրես»֊ը, հայտնում են ադրբեջանական ԶԼՄ-ները։ 

Նշվում է, որ բնակելի համալիրը կառուցվել է Իլհամ Ալիևի հանձնարարությամբ։ 

2023 թվականի սեպտեմբերի 25-ին Նախիջևան քաղաքում ստորագրվել էր միջկառավարական համագործակցության համաձայնագիր, որը նախատեսում է Քահրամանմարաշում բնակելի շենքերի, տարրական դպրոցի, մանկապարտեզի և մշակութային կենտրոնի կառուցում։