Ճամբարակում պայթյունի հետևանքով տուժածներից մեկի վիճակը ծայրահեղ ծանր է

Ճամբարակում երեկ տեղի ունեցած դեպքի հետևանքով երևանյան բուժհաստատություն տեղափոխված 3 տուժածներից մեկի առողջական վիճակը գնահատվում է ծայրահեղ ծանր, մյուս երկուսինը` միջին ծանրության:

«Արմենպրես»-ի փոխանցմամբ՝ այս մասին հայտնում են ՀՀ առողջապահության նախարարությունից, նշելով, որ Ճամբարակի ԲԿ-ում բուժօգնություն ստացող 7 տուժածներից 3-ն այսօր դուրս են գրվել, մնացածը կշարունեկեն մնալ բժիշկների հսկողության տակ: Նրանց առողջական վիճակը գնահատվում է բավարար:

Հունիսի 11-ին առավոտյան Ճամբարակի շենքերից մեկում տեղի է ունեցել գազի պայթյուն՝ փլուզմամբ Փլուզվել են 4-րդ, 3-րդ և 2-րդ հարկի բնակարանները։ Մասամբ փլուզվել են կից մուտքի բնակարաններ։ Աղետի հետևանքով հոսպիտալացվել է 11 անձ, որոնցից 3-ին տեղափոխել են մայրաքաղաքի բուժհաստատություններ:   

Պայթյունից առաջացած փլուզման հետևանքով մահացել է 5 անձ: