Բաբկեն Թունյանն ու Շոթա Բերեկաշվիլին քննարկել են Հայաստանի և Վրաստանի միջև տնտեսական ոլորտում համագործակցության ընդլայնմանը վերաբերող հարցեր
1 րոպեի ընթերցում
Աշխատանքային այցով Վրաստանում գտնվող Հայաստանի Ազգային ժողովի տնտեսական հարցերի մշտական հանձնաժողովի նախագահ Բաբկեն Թունյանը հունիսի 3-ին հանդիպել է Վրաստանի խորհրդարանի ոլորտային էկոնոմիկայի և տնտեսական քաղաքականության հանձնաժողովի նախագահ Շոթա Բերեկաշվիլիի հետ։
Ինչպես «Արմենպրես»-ը տեղեկանում է Վրաստանում Հայաստանի դեսպանության տարածած հաղորդագրությունից, հանդիպմանը քննարկվել է Հայաստանի և Վրաստանի միջև տնտեսական ոլորտում համագործակցության ընդլայնմանն ու խորհրդարանների միջև փոխգործակցությանն առնչվող հարցերի լայն շրջանակ։