Գավառի Հայրապետ Խաչատրյանի անվան արվեստի դպրոցի սաները մրցանակներ են նվաճել հանրապետական ու միջազգային ստուգատեսներում

Գավառի Հայրապետ Խաչատրյանի անվան արվեստի դպրոցի սաները մրցանակներ են նվաճել հանրապետական ու միջազգային ստուգատեսներում։  

Ինչպես «Արմենպրես»-ին տեղեկացրին Գավառի համայնքապետարանի աշխատակազմից, Գավառի Հայրապետ Խաչատրյանի  անվան արվեստի դպրոցի դաշնամուրային բաժնի սաները մասնակցել են «ARM PROF MUZIK FEST» համահայկական մրցույթ-փառատոնին և դարձել են մրցանակակիրներ։ Բարրի Էլունդուն դարձել է  2-րդ կարգի դիպլոմակիր, Միլեն Բարսեղյանը, Դավիթ և Դանիել Դավթյանները՝  3-րդ կարգի դիպլոմակիրներ։  Աննա Կիրակոսյանը ստացել է մասնակցության վկայական։ 

Դպրոցի դաշնամուրային բաժնի աշակերտ Սամվել Գասպարյանն էլ մասնակցել է «Արտ Մյուզիք» արվեստի միջազգային 16-րդ մրցույթ-փառատոնին և արժանացել 3-րդ  մրցանակի։ Նա պարգևատրվել է դիպլոմով և մեդալով, իսկ դպրոցին մասնակցության շնորհակալագիր է տրվել։

Դպրոցի երգեցողության բաժնի 2-րդ դասարանի աշակերտ Վահագն Գուրօղլյանը մասնակցել է "ARMENIAN PROF MUSIC FEST " հանրապետական երաժշտական մրցույթ - փառատոնին, «ժողովրդական երգ» անվանակարգում և արժանացել  1-ին մրցանակի։

Երգեցողության բաժնից դպրոցի սաները մասնակցել են նաև «ARM PROF MUZIK FEST» համահայկական մրցույթ-փառատոնին և արժանացել մի շարք մրցանակների։  մրցանակների։ Դանիել Դավթյանն արժանացել է  1-ին մրցանակի,  Բարրի Էլունդուն դարձել է  2-րդ կարգի դիպլոմակիր , Դավիթ Դավթյանը , Մարի Դադոյանը, Նարե Թոփլաղալցյանը՝  2-րդ կարգի դիպլոմակիրներ,  Շողեր Մակարյանը՝ 3-րդ կարգի դիպլոմակիր։ Ալիտա Հակոբյանը և Մանվել Աթոյանը ստացել են  մասնակցության վկայական։

Երևանի քաղաքապետարանի և Ա. Սպենդիարյանի անվան օպերայի և բալետի ազգային ակադեմիական թատրոնի համագործակցությամբ իրականացվող «Հունիսի 1-ը օպերային աստղերի հետ» մեգանախագծի հաղթող է ճանաչվել Դանիել Դավթյանը։