Արարատ Միրզոյանը շնորհավորել է Գերմանիայի նորանշանակ ԱԳ նախարարին

Հայաստանի արտաքին գործերի նախարար Արարատ Միրզոյանը շնորհավորել է Յոհան Վադեֆուլին Գերմանիայի արտաքին գործերի նախարար նշանակվելու առիթով։ 

«Արմենպրես»-ի փոխանցմամբ՝ Միրզոյանն այդ մասին գրել է X-ի իր միկրոբլոգում։ 

«Հարգելի Յոհան Վադեֆուլ, շնորհավորում եմ Ձեզ Գերմանիայի արտաքին գործերի նախարար նշանակվելու առիթով՝ ջերմությամբ հիշելով մեր քննարկումը 2023 թվականի փետրվարին։ Հայաստանի ամուր գործընկերությունը Գերմանիայի հետ՝ հիմնված ընդհանուր արժեքների և հետաքրքրությունների վրա, խոստումնալից ապագա ունի։ Ակնկալում եմ շարունակել մեր սերտ համագործակցությունը ինչպես երկկողմ ձևաչափով, այնպես էլ Հայաստան-Եվրամիություն համագործակցության շրջանակներում»,- գրել է Արարատ Միրզոյանը։ 

I congratulate you, dear Johann Wadephul @AussenMinDE on your appointment as Foreign Minister of #Germany, warmly recalling our discussion in February 2023. #Armenia’s solid partnership with 🇩🇪, built on shared values & interests, holds great promise for the future. I look… pic.twitter.com/9vX5o7JuC0

— Ararat Mirzoyan (@AraratMirzoyan) May 7, 2025

Ավելի վաղ ՀՀ ԱԳ նախարարը շնորհակալություն էր հայտնել և հաջողություն մաղթել Գերմանիայի արտաքին գործերի նախկին նախարար Անալենա Բերբոքին։ 

«Հարգելի Անալենա Բերբոք, շնորհակալ եմ Հայաստանի  և Գերմանիայի հարաբերություններն ամրապնդելուն, Հայաստանը Եվրամիությանն ավելի մոտ դարձնելուն Ձեր նվիրվածության, ինչպես նաև Հարավային Կովկասում խաղաղություն հաստատելուն ուղղված Ձեր ջանքերի համար։ Հաճելի էր ձեզ հետ աշխատելը։ Հաջողություն եմ մաղթում Ձեր նոր նախաձեռնություններում»,- գրել էր Միրզոյանը։ 

Thank you, dear @ABaerbock, for your dedication to strengthening#Armenia-#Germany relations, bringing 🇦🇲 closer to 🇪🇺 & for the efforts aimed at establishing peace in the #SouthCaucasus. It’s been a pleasure to work with you.

Wishing you every
success in your future endeavors! pic.twitter.com/z9LoMJRxcB

— Ararat Mirzoyan (@AraratMirzoyan) May 6, 2025