Էստոնիայի վարչապետը հույս է հայտնել, որ Հայաստանի ու Ադրբեջանի միջև խաղաղության պայմանագիրը շուտով կստորագրվի
1 րոպեի ընթերցում
Հարավային Կովկասում խաղաղությունը շատ կարևոր է Էստոնիայի և Եվրոպայի համար։ Ինչպես հաղորդում է «Արմենպրես»-ի թղթակիցը Էստոնիայից, այս մասին ՀՀ վարչապետ Նիկոլ Փաշինյանի հետ համատեղ ասուլիսում նշեց Էստոնիայի վարչապետ Քրիստեն Միխալը։
«Ուրախ եմ, որ Հայաստանն ու Ադրբեջանը կարողացել են խաղաղության պայմանագրի տեքստը համաձայնեցնել։ Այդ հարցում, պարոն Փաշինյան, ձեր մասնակցությունը շատ կարևոր է եղել։ Հուսով եմ, որ շուտով պայմանագիրը կստորագրվի», - ասաց Էստոնիայի վարչապետը։