Վարչապետը ներկայացրեց, թե 2018-2023 թվականներին ՀՀ կառավարությունը որքան աջակցություն է տրամադրել ԼՂ-ին
1 րոպեի ընթերցում
Հայաստանի կառավարությունը 2018 թվականից մինչև 2023 թվականի սեպտեմբեր 367 մլրդ դրամով ավելի շատ գումար է հատկացրել Լեռնային Ղարաբաղին, քան 2012-2017 թթ:
«Արմենպրես»-ի փոխանցմամբ՝ այս մասին ասաց Հայաստանի վարչապետ Նիկոլ Փաշինյանն ԱԺ-ում կառավարության ծրագրի 2024 թվականի կատարման ընթացքի և արդյունքների մասին զեկույցի քննարկմանը:
«2018-ից մինչև 2023 թվականի սեպտեմբեր ՀՀ կառավարությունը 367 մլրդ դրամով կամ 130 տոկոսով ավելի շատ գումար է հատկացրել ԼՂ-ին: Վերցրել եմ, թե 2012-2017 թվականներին ինչ է տրվել բյուջեից և, թե 2018–2023 թվականներին ինչ է տրվել: 2.3 անգամ ավելի շատ աջակցություն է ցուցաբերվել: 2018 թվականից մինչև հիմա մենք ԼՂ-ին տարբեր հոդվածներով, այդ թվում՝ բռնի տեղահանվածներին աջակցություն, նաև ԼՂ-ին ուղիղ աջակցություն, 1.3 մլրդ դոլար կամ 548 մլրդ դրամ ենք հատկացրել»,-ասաց Փաշինյանը: