1 րոպեի ընթերցում
«Կամուրջ» մշակութային կենտրոնը կազմակերպում և անցկացնում է լայնածավալ թեմատիկ համերգային ու փառատոնային ծրագրեր ինչպես Հայաստանում, այնպես էլ Հայաստանի սահմաններից դուրս:
«Արմենպրես»-ի փոխանցմամբ՝ «Կամուրջ» մշակութային կենտրոնն ապրիլի 26-ին Կարեն Դեմիրճյանի անվան մարզահամերգային համալիրում կներկայացնի երկար սպասված, աննախադեպ «Ծաղկունք» միջազգային 7-րդ փառատոնը։
Իր տեսակով այն իսկական տոն կդառնա պարասերների համար։
Հանդես կգան հայտնի պարային անսամբլներ և երգչախմբեր ՀՀ բոլոր մարզերից, ինչպես նաև պարային խմբեր Գերմանիայից, Ուկրաինայից, Վրաստանից, Ռուսաստանից ու Հունաստանից: Փառատոնը նշանակալից կդառնա տարբեր ազգերին հատուկ յուրօրինակ կատարումներով: Փառատոնին կնախորդի յուրատեսակ արարողություն. կկայանա մասնակից խմբերի շքերթ-հանդիսություն, որը կեզրափակվի Ծիծեռնակաբերդի հուշահամալիր այցով:
Փառատոնը նպատակ ունի ավելի զարգացնել միջմշակութային կապերը ազգերի միջև: