392.26
ՀԱՄԱՍ-ը հայտարարել է, որ չի հրաժարվել Իսրայելի հետ բանակցությունների հնարավորությունից
1 րոպեի ընթերցում
Պաղեստինյան ՀԱՄԱՍ շարժումը չի հրաժարվել Իսրայելի հետ բանակցությունների հնարավորությունից, բայց պնդում է կողմերի միջև գոյություն ունեցող համաձայնագրի կատարումը։
«Արմենպրես»-ի փոխանցմամբ՝ այդ մասին AFP-ին ասել է ՀԱՄԱՍ-ի քաղբյուրոյի քարտուղար Թահեր ան Նունուն։
«ՀԱՄԱՍ»-ը չի հրաժարվել բանակցություններ վարելուց, բայց մենք պնդում ենք, որ նոր համաձայնագրերի ոչ մի անհրաժեշտություն չկա: Արդեն գոյություն ունի պայմանագիր, որը ստորագրել են հակամարտող բոլոր կողմերը»,- ասել է շարժման ներկայացուցիչը։
Մամուլի քարտուղարը միջազգային հանրությանը կոչ է արել ձեռնարկել շտապ քայլեր հակամարտությունը դադարեցնելու և Իսրայելի վրա ճնշում գործադրելու համար, որպեսզի նա անհապաղ դադարեցնի ռմբակոծությունները Գազայի հատվածում և ձեռնամուխ լինի բանակցությունների երկրորդ փուլին:
Բաժանորդագրվեք մեր ալիքին Telegram-ում