Մոլդովան ողջունել է Հայաստանի և Ադրբեջանի միջև խաղաղության համաձայնագրի շուրջ բանակցությունների ավարտը

Մոլդովայի արտաքին գործերի նախարարությունը հայտարարություն է տարածել՝ ողջունելով Հայաստանի և Ադրբեջանի միջև խաղաղության համաձայնագրի տեքստի շուրջ բանակցությունների ավարտը։

«Արմենպրես»-ի հաղորդմամբ՝ Մոլդովայի ԱԳ նախարարությունը համապատասխան հայտարարություն է տարածել X-ի միկրոբլոգում։

«Մոլդովայի արտաքին գործերի նախարարությունը ողջունում է Հայաստանի և Ադրբեջանի միջև խաղաղության համաձայնագրի տեքստի շուրջ բանակցությունների ավարտը։ 

Սա կարևոր քայլ է Հարավային Կովկասում տևական խաղաղության և կայունության հասնելու ուղղությամբ»,-նշված է գրառման մեջ։

🇲🇩 MFA welcomes the conclusion of negotiations between Armenia and Azerbaijan on the text of the Peace Agreement.

This is an important step towards achieving lasting peace and stability in the South Caucasus region.

— 🇲🇩 MFA Moldova (@MoldovaMFA) March 14, 2025

Հայաստանն ու Ադրբեջանը մարտի 13-ին հայտարարել են, որ վերջնական համաձայնության են հասել խաղաղության համաձայնագրի նախագծի տեքստի շուրջ։ Հայաստանի արտաքին գործերի նախարարությունը հայտարարել է, որ պատրաստ է Բաքվի հետ քննարկումներ սկսել համաձայնագրի ստորագրման ժամկետների և վայրի վերաբերյալ։  Բազմաթիվ երկրներ արդեն ողջունել են Հայաստանի և Ադրբեջանի միջև համաձայնության ձեռքբերումը խաղաղության համաձայնագրի տեքստի շուրջ և հույս են հայտնել, որ այն կստորագրվի հնարավորինս շուտ։