Հունաստանը ողջունում է խաղաղության համաձայնագրի շուրջ բանակցությունների եզրափակման մասին Հայաստանի և Ադրբեջանի հայտարարությունները

Հունաստանի Հանրապետության արտաքին գործերի նախարարությունը ողջունել է Հայաստանի և Ադրբեջանի հայտարարությունները «Խաղաղության և միջպետական հարաբերությունների հաստատման պայմանագրի» շուրջ բանակցությունների եզրափակման վերաբերյալ:

 «Արմենպրես»-ի փոխանցմամբ՝ այս մասին նշված է Հունաստանի ԱԳ նախարարության X-ի միկրոբլոգում կատարված գրառման մեջ:

We welcome the statements by Armenia and Azerbaijan regarding the finalization of their negotiations on an "Agreement on Peace and Establishment of Interstate Relations". The prompt signing of the Agreement would pave the way for cooperation & understanding in the South Caucasus.

— Υπουργείο Εξωτερικών (@GreeceMFA) March 14, 2025

«Ողջունում ենք Հայաստանի և Ադրբեջանի հայտարարությունները «Խաղաղության և միջպետական հարաբերությունների հաստատման պայմանագրի» շուրջ բանակցությունների եզրափակման վերաբերյալ»,- գրառման մեջ նշել է Հունաստանի ԱԳ նախարարությունը՝ կարծիք հայտնելով, որ պայմանագրի արագ ստորագրումը Հարավային Կովկասում համագործակցության և փոխըմբռնման համար ճանապարհ կհարթի: 

Հայաստանն ու Ադրբեջանը մարտի 13-ին հայտարարել են, որ վերջնական համաձայնության են հասել խաղաղության համաձայնագրի նախագծի տեքստի շուրջ։ Հայաստանի արտաքին գործերի նախարարությունը հայտարարել է, որ պատրաստ է Բաքվի հետ քննարկումներ սկսել համաձայնագրի ստորագրման ժամկետների և վայրի վերաբերյալ։  Բազմաթիվ երկրներ արդեն ողջունել են Հայաստանի և Ադրբեջանի միջև համաձայնության ձեռքբերումը խաղաղության համաձայնագրի տեքստի շուրջ և հույս են հայտնել, որ այն կստորագրվի հնարավորինս շուտ։