Սիրիայի նախկին նախագահին աջակցող զինյալները հարձակվել են կառավարության անվտանգության ուժերի անցակետի վրա

Սիրիայի նախկին նախագահ Բաշար ալ-Ասադին աջակցող զինված խմբավորումները Ջեբլա քաղաքի արվարձանում հարձակվել են երկրի ներկա վարչակազմի անվտանգության ուժերի անցակետի վրա։ 

«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտնել է սիրիական SANA գործակալությունը։

Ըստ աղբյուրի՝ զոհերի կամ վիրավորների մասին տեղեկություններ դեռ չեն հաղորդվում։

Սիրիայում 2024 թվականի նոյեմբերի վերջին զինված ընդդիմադիր խմբավորումները լայնածավալ հարձակում էին սկսել։ Դեկտեմբերի 8-ին նրանք մտան Դամասկոս, Բաշար ալ-Ասադը հրաժարական տվեց Սիրիայի նախագահի պաշտոնից ու լքեց երկիրը։