Ուգանդայում երկրորդ մահն է արձանագրվել էբոլայի բռնկման պատճառով

Սուդանում վիրուսի բռնկման ֆոնին էբոլա տենդի երկրորդ մահացու դեպքն է հաստատվել Ուգանդայում։

«Արմենպրես»-ի հաղորդմամբ՝ այս մասին հայտնում է հայտնում է Առողջապահության համաշխարհային կազմակերպությունը՝ հղում անելով Ուգանդայի առողջապահության նախարարությանը:

 Ավելի վաղ՝ Ուգանդայի առողջապահության նախարար Դիանա Անթվինը հաստատել էր էբոլայի բռնկումը Կամպալայում և հայտնել վարակի առաջին մահացու դեպքի մասին։ Առողջապահության նախարարությունը հայտնել է Մուլագոյի հիվանդանոցում մեկ այլ հաստատված դեպքի մասին:

 Հունվարի վերջին Առողջապահության համաշխարհային կազմակերպությունը  Ուգանդա է ուղարկել մասնագետների՝ օգնելու համար իշխանություններին էբոլա վիրուսի նոր բռնկման դեմ պայքարում:

 Փետրվարի սկզբին ԱՀԿ-ն հայտարարել էր, որ սկսել է Ուգանդայում էբոլայի դեմ պատվաստանյութի առաջին փորձարկումը:

Էբոլա վիրուսը մարդուն փոխանցվում է վայրի կենդանիներից։ Հիվանդության առաջին ախտանշաններն են ջերմությունը, մկանային սպազմը, գլխացավը և կոկորդի ցավը։ Դրան հաջորդում է երիկամների ու լյարդի դիսֆունկցիան, իսկ որոշ դեպքերում սկսվում է ներքին ու արտաքին արյունահոսություն։

Following the declaration of the Sudan Ebola outbreak on 30th January 2025, the Ministry of Health reports an additional positive case in Mulago hospital of a four-and-a-half-year-old child, who tragically passed away on 25th February. WHO continues to support Uganda’s #Ebola… pic.twitter.com/uOX4m4uuL0

— WHO Uganda (@WHOUganda) March 1, 2025