1 րոպեի ընթերցում
Ուկրաինայում հակամարտության երկարաժամկետ կարգավորման հնարավորություն կա, բայց պետք է վերացվեն դրա արմատական պատճառները։
«Արմենպրես»-ի հաղորդմամբ՝ ինչպես հայտնում է ՌԻԱ Նովոստին, այս մասին հայտարարել է ՌԴ փոխարտգործնախարար Սերգեյ Վերշինինը։
«Կարծում ենք, որ հնարավորություն է ընձեռվում հասնել կարգավորման, որը, մեր կարծիքով, հաշվի կառնի հակամարտության բուն պատճառները: Այդ մասին մեկ անգամ չէ, որ խոսել է նախագահ Վլադիմիր Պուտինը: Եվ մենք բաց ենք նման իրական բանակցությունների համար», - նշել է նա:
Այնուամենայնիվ, Վերշինինն ընդգծել է, որ այդ բանակցությունները պետք է ունենան բավական երկարաժամկետ նպատակ, այն է՝ վերացնել հակամարտության բուն պատճառները, ապահովել Ռուսաստանի Դաշնության հուսալի անվտանգությունը և հարգել Ուկրաինայի տարածքում խաղաղ բնակչության հիմնարար իրավունքները։