367.38
ՌԴ-ի և ԱՄՆ-ի հաջորդ շփումները տեղի կունենան ԱԳՆ փորձագետների մակարդակով. Պեսկով
2 րոպեի ընթերցում
Ռուս-ամերիկյան հաջորդ շփումները տեղի կունենան փորձագիտական մակարդակով՝ արտաքին գործերի նախարարությունների գծով։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը՝ անդրադառնալով արևմտյան ԶԼՄ-ներում տարածված տեղեկատվությանը փետրվարի 25-ին Էր Ռիադում ենթադրաբար նախատեսված հանդիպման վերաբերյալ։
Պեսկովն այդ հարցը վերահասցեագրել է ՌԴ ԱԳՆ-ին։
«Հաջորդ շփումները հերթի մեջ են. դրանք շփումներ են արտաքին գործերի նախարարությունների գծով, շփումներ փորձագիտական մակարդակով, ուստի խորհուրդ եմ տալիս դիմել արտաքին գործերի նախարարություն այդ հանդիպման մասին տեղեկատվության համար», - ասել է նա:
Պեսկովի խոսքով՝ այդ բանակցություններում կքննարկվեն երկխոսության կարգավորման միջոցները։ Նա նաև պարզաբանել է, որ առաջին հերթին դիվանագիտական գերատեսչությունների աշխատանքը փոխադարձ հիմունքներով կարգավորելու միջոցները «կքննարկվեն հենց այդ նույն բանակցություններում՝ փորձագիտական մակարդակով»։
Ավելի վաղ ՌԴ արտաքին գործերի փոխնախարար Սերգեյ Ռյաբկովը հայտնել էր, որ Ռուսաստանի և ԱՄՆ-ի միջև բանակցությունները երկկողմ հարաբերություններում խնդրահարույց գործոնների շուրջ կանցկացվեն ընթացիկ շաբաթվա վերջին։ Նրա խոսքով՝ հանդիպումը տեղի կունենա արտաքին գործերի նախարարությունների վարչությունների ղեկավարների մակարդակով:
Բաժանորդագրվեք մեր ալիքին Telegram-ում