Իրանում ՀՀ դեսպանն ու ԻԻՀ ռազմավարական հարցերով փոխնախագահը կարևորվել են տարածաշրջանային կայունության ապահովման անհրաժեշտությունը
1 րոպեի ընթերցում
Իրանում ՀՀ դեսպան Գրիգոր Հակոբյանն ու ԻԻՀ ռազմավարական հարցերով փոխնախագահ Մոհամմադ Ջավադ Զարիֆը հանդիպել են և անդրադարձել Հայաստանի և Իրանի համագործակցության ռազմավարական ուղղություններին, կարևորվել տարածաշրջանային անվտանգության և կայունության ապահովման անհրաժեշտությունը։
«Արմենպրես»-ի հաղորդմամբ՝ այս մասին հաղորդագրություն է հրապարակվել Իրանում ՀՀ դեսպանության «Ֆեյսբուք»-ի պաշտոնական էջում։
«Զրուցակիցներն ընդգծել են տարածաշրջանում խաղաղության ու փոխշահավետ գործընկերության խթանման անհրաժեշտությունը՝ պետությունների տարածքային ամբողջականության և ազգային ինքնիշխանության սկզբունքների հիման վրա։ ՀՀ դեսպանը և ԻԻՀ փոխնախագահը քննարկել են նաև Հայաստան-Իրան տնտեսական և էներգետիկ համագործակցության ընդլայնման հեռանկարները՝ վերահաստատելով երկարաժամկետ ծրագրերի մշակման ու իրականացման կարևորությունը»,-ասվում է հաղորդագրության տեքստում։