Շահագործման է հանձնվել Մ-4 մայրուղին Ծովագյուղին կապող կամուրջը

Արդեն մի քանի օր է, ինչ շահագործման է հանձնվել Մ-4 մայրուղին Գեղարքունիքի մարզի Սևան համայնքի Ծովագյուղ բնակավայրին կապող կամուրջը։

Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, Ծովագյուղի կամրջի շինարարական աշխատանքները մեկնարկել են 2023 թվականի վերջերից և ավարտին հասցվել 2024 թվականի վերջին։ Մ-4-Ծովագյուղ հին կամուրջը քայքայվել էր՝ կորցնելով շահագործման պիտանիությունը, այդ պատճառով էլ որոշվել էր կառուցել նոր, միաթռիչք կամուրջ՝ 28 մետր երկարությամբ ու 10 մետր լայնությամբ, հետիոտնի համար մայթերով։ Կամրջի շինարարության պայմանագրային արժեքը կազմել է 328,8 միլիոն դրամ, որն ամբողջությամբ հատկացվել է պետբյուջեի միջոցներից։ Շինարարարությունն իրականացրել է «Ծովագյուղի ՃՇՇ» ՍՊԸ-ն։