1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ կայցելի Իսրայել, Գազայի հատված և Սաուդյան Արաբիա, սակայն չի նշել այդ ուղևորությունների հնարավոր ժամկետները։ «Արմենպրես»-ի փոխանցմամբ՝ այդ մասին ԱՄՆ նախագահն ասել է Վաշինգտոնում Իսրայելի վարչապետ Բենիամին Նեթանյահուի հետ կայացած համատեղ մամուլի ասուլիսում:
«Ես կմեկնեմ այնտեղ (Իսրայել), կայցելեմ Գազա, Սաուդյան Արաբիա և Մերձավոր Արևելքի այլ վայրեր», - հայտարարել է Թրամփը։
ԱՄՆ նախագահի խոսքով՝ Մերձավոր Արևելքն անհավատալի վայր է, մեկն է «իսկապես գեղեցիկ վայրերից՝ իր հրաշալի մարդկանցով»: Միևնույն ժամանակ, Թրամփի կարծիքով, «Մերձավոր Արևելքում շատ վատ առաջնորդներ են եղել»։
Մամուլի ասուլիսում Թրամփը նաև հայտարարել է, որ Վաշինգտոնն իր ձեռքը կվերցնի Գազայի հատվածը, հնարավոր է նաև՝ ամերիկյան զորքերի օգնությամբ, այն կվերածի մերձավորարևելյան Ռիվիերայի, իսկ այնտեղ ապրող պաղեստինցիները պետք է հեռանան։