Եվրոպա

Ռուսաստանը պատրաստ է ԱՄՆ-ի հետ միջուկային զինաթափման շուրջ բանակցությունների. Պեսկով

1 րոպեի ընթերցում

Ռուսաստանը պատրաստ է ԱՄՆ-ի հետ միջուկային զինաթափման շուրջ բանակցությունների. Պեսկով

Մոսկվան պատրաստ է Վաշինգտոնի հետ բանակցությունների միջուկային զինաթափման հարցերի շուրջ, սակայն անհրաժեշտ է հաշվի առնել նաև ԱՄՆ դաշնակիցների՝ Մեծ Բրիտանիայի և Ֆրանսիայի ատոմային ներուժը։ «Արմենպրես»-ի փոխանցմամբ՝ ՌԴ նախագահի մամուլի քարտուղար Դմիտրի Պեսկովը ճեպազրույցում այս կերպ է արձագանքել ՏԱՍՍ-ի խնդրանքին՝ մեկնաբանելու ԱՄՆ նախագահ Դոնալդ Թրամփի հայտարարություններն այդ թեման քննարկելու՝ Վաշինգտոնի ցանկության մասին։

«Ամբողջ աշխարհի շահերից է բխում, մեր երկրների ժողովուրդների շահերից, անշուշտ, որ հնարավորինս շուտ սկսենք այս բանակցային գործընթացը», - ընդգծել է Կրեմլի ներկայացուցիչը։

«Ներկա պայմաններում, իհարկե, անհրաժեշտ է նկատի առնել ամբողջ միջուկային ներուժը: Եվ չի կարելի, օրինակ, զրույց վարել և նկատի չառնել Ֆրանսիայի և Մեծ Բրիտանիայի միջուկային ներուժը։ Ներկայիս իրողությունները թելադրում են այդ անհրաժեշտությունը», - հավելել է Պեսկովը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում