1 րոպեի ընթերցում
Հայաստանի շախմատի կանանց առաջնության չեմպիոն Սուսաննա Գաբոյանը ներքին առաջնությունում երկրորդ տարին անընդմեջ տոնած հաղթանակն անսպասելի չի համարում:
«Առաջին անգամն էր, որ Հայաստանի առաջնությանը մասնակցում էի առաջին համարով, քանի որ Մարիա Գևորգյանը չէր մասնակցում մրցաշարին: Ինձ համար այս տարվա առաջնությունում հաղթանակը շատ անսպասելի չէր: Սովորաբար առավել պարտավորեցնող է լինում, երբ վարկանիշով առաջինն ես լինում»,-«Արմենպրես»-ի հաղորդմամբ` լրագրողների հետ զրույցում ասաց Գաբոյանը:
Վերջինս շեշտեց նաև, որ Հայաստանի այս առաջնությունը լարվածությամբ չէր զիջում նախորդ տարիների մրցաշարերին և մինչև վերջին տուրը դեռևս հստակ չէր, թե ով կդառնա Հայաստանի չեմպիոն:
Հայաստանի կանանց 80-րդ առաջնության չեմպիոնն այս տարի դարձավ Սուսաննա Գաբոյանն, ով 9 հնարավորից հավաքեց 7 միավոր: 6,5 միավորով երկրորդ տեղում Աննա Խաչատրյանը և եռյակը 6 միավորով եզրափակեց Մարիամ Ավետիսյանը: