398.84
Հայաստանում չինացի զբոսաշրջիկների թիվը 60 տոկոսով ավելացել է
1 րոպեի ընթերցում
Չինացի զբոսաշրջիկների թիվը Հայաստանում շարունակում է աճել։ «Արմենպրես»-ի թղթակցի հաղորդմամբ՝ այս մասին ասաց ՀՀ-ում Չինաստանի գործերի ժամանակավոր հավատարմատար Չեն Մինը Գարնանային փառատոնի՝ չինական Նոր տարվա առթիվ հրավիրված հանդիսավոր ընդունելության ժամանակ։
«Անցած տարվա սեպտեմբերին բացվեց Ուրումչի-Երևան չվերթը, ինչը զգալիորեն հեշտացրեց մարդկանց տեղափոխումը երկու երկրների միջև։
Չին զբոսաշրջիկների թիվը Հայաստանում շարունակում է աճել և տարեվերջին այն գերազանցել է 38 հազարը, ինչը 60 տոկոսով ավելին է նախորդ տարվա համեմատ»,-ասաց Չեն Մինը։
Նրա խոսքով՝ Հայաստանում այս ընթացքում իրականացվել են բազմաթիվ մշակութային միջոցառումներ, որոնք նպաստել են երկու ժողովուրդների միջև փոխըմբռնման և բարեկամության ամրապնդմանը՝ նոր խթան հաղորդելով Հայաստանի և Չինաստանի միջև բարեկամական հարաբերություններին։
Բաժանորդագրվեք մեր ալիքին Telegram-ում