Եվրահանձնաժողովի ղեկավար Ուրսուլա ֆոն դեր Լայենը չի մասնակցի Դոնալդ Թրամփի երդմնակալությանը

Եվրահանձնաժողովի ղեկավար Ուրսուլա ֆոն դեր Լայենը հաստատել է, որ չի մասնակցի ԱՄՆ նախագահ Դոնալդ Թրամփի երդմնակալության արարողությանը։ Նա նշել է՝ հունվարի 20-ին մասնակցելու է Դավոսում կայանալիք Համաշխարհային տնտեսական ֆորումին։ 

Ինչպես հաղորդում է «Արմենպրես»-ը, վկայակոչելով ՏԱՍՍ-ը, այս մասին նա հայտնել է X-ում։

«Ես եկել եմ Դավոս՝ հանդիպելու առաջնորդներին, պատասխանելու գլոբալ մարտահրավերներին և նոր գործընկերություն կառուցելու»,- գրել է Եվրահանձնաժողովի ղեկավարը։ Դավոսի ֆորումը կանցկացվի 2025 թվականի հունվարի 20-24-ը։ Թրամփը նույնպես ելույթ կունենա ֆորումում, բայց՝ տեսակապի միջոցով»,-նշել է ֆոն դեր Լայենը։

Անցյալ շաբաթ Եվրահանձնաժողովի մամուլի ծառայությունը հայտնել էր, որ Ֆոն դեր Լայենը դեռ չի ստացել Թրամփի երդմնակալության արարողության հրավերը, սակայն հստակ պատասխան չի տվել, թե արդյոք նա ակնկալում է մասնակցել: