398.94
Ռուսաստանի և ԱՄՆ նախագահները կարող են ցանկացած պահի հեռախոսազրույց ունենալ. Ուշակով
1 րոպեի ընթերցում
Ռուսաստանի նախագահ Վլադիմիր Պուտինն ու ԱՄՆ նորընտիր առաջնորդ Դոնալդ Թրամփը կարող են ցանկացած պահի հեռախոսազրույց ունենալ։ «Արմենպրես»-ի հաղորդմամբ՝ այս մասին հայտնել է ՌԴ նախագահի արտաքին քաղաքականության հարցերով օգնական Յուրի Ուշակովը՝ «Ռոսիա 1»-ի լրագրող Պավել Զարուբինին տված հարցազրույցում։
«ԱՄՆ նախագահն ու Ռուսաստանի նախագահը ցանկացած պահի կարող են դառնալ հեռախոսազրույցի նախաձեռնողներ։ Ավանդույթի համաձայն, սակայն, առաջին քայլն անում է նոր իշխանության եկած առաջնորդը կամ կառավարության ղեկավարը։ Մենք սպասում ենք, թե երբ Թրամփը կզանգի մեզ»,- նշել է Ուշակովը։
Նա նաև ընդգծել է, որ Ռուսաստանը պատրաստ է կառուցողական երկխոսության ԱՄՆ նոր վարչակազմի հետ։
Բաժանորդագրվեք մեր ալիքին Telegram-ում