Հայաստանում օդի ջերմաստիճանը կնվազի 5-7 աստիճանով

ԵՐԵՎԱՆ, 6 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության տարածքում հունվարի 6-ի ցերեկը, 7-11-ը սպասվում է առանց տեղումների եղանակ, քամին՝ հյուսիսարևմտյան՝ 2-4 մ/վ։

«Արմենպրես»-ի փոխանցմամբ՝ այս մասին հայտնում է Հայաստանի Հանրապետության ներքին գործերի նախարարությունը:

Հունվարի 7-ի գիշերը և առավոտյան ժամերին ճանապարհներին սպասվում է մերկասառույց։ Օդի ջերմաստիճանը հունվարի 7-8-ի գիշերը կնվազի 5-7 աստիճանով։

Գերատեսչությունը նաև հավելում է, որ Երևան քաղաքում Հունվարի 6-ի ցերեկը, 7-11-ը սպասվում է առանց տեղումների եղանակ, իսկ հունվարի 7-ի գիշերը և առավոտյան ժամերին ճանապարհներին սպասվում է մերկասառույց։