«Flydubai»-ը դադարեցրել է Սոչիից և Միներալնիե Վոդիից Դուբայ չվերթները՝ անվտանգության սպառնալիքի պատճառով
1 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ։ «Flydubai» ավիաընկերությունը դեկտեմբերի 28-ից հունվարի 5-ը դադարեցրել է Սոչիից և Միներալնիե Վոդիից Դուբայ թռիչքները՝ վկայակոչելով ֆորս-մաժորային իրավիճակ և թռիչքների անվտանգության սպառնալիք։ «Արմենպրես»-ի հաղորդմամբ՝ այս մասին հայտնում է Ռուսաստանի տուրօպերատորների ասոցիացիան։
Ասոցիացիայի տվյալներով՝ իրավիճակն ազդել է ավելի քան 4000 ուղևորի վրա, որոնց 90 տոկոսը տուրօպերատորների հաճախորդներ են։ Տուրօպերատորները ներկայումս ակտիվորեն աշխատում են իրավիճակը կարգավորելու ուղղությամբ՝ հաճախորդներին առաջարկելով այլընտրանքային տարբերակներ կամ փոխհատուցումներ։