Միրզոյանը շնորհավորել է Թորգերդուր Կատրինին՝ Իսլանդիայի արտգործնախարարի պաշտոնում նշանակվելու առթիվ
1 րոպեի ընթերցում
ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ։ ՀՀ արտաքին գործերի նախարար Արարատ Միրզոյանը շնորհակալություն է հայտնել Իսլանդիայի նախկին արտգործնախարար Թորդիս Կոլբրունին երկկողմ կապերը խթանելու և նախորդ տարիներին երկու երկրների առջև ծառացած մարտահրավերների հանդեպ սկզբունքային մոտեցում ցուցաբերելու համար:
«Արմենպրես»-ի հաղորդմամբ՝ Միրզոյանը Իսլանդիայի նախկին արտգործնախարարին մաղթել է հաջողություններ հետագա գործունեության մեջ:
ՀՀ արտաքին քաղաքական գերատեսչության ղեկավարը նաև ջերմորեն շնորհավորել է Իսլանդիայի նորանշանակ արտգործնախարար Թորգերդուր Կատրինին։
«Անհամբեր սպասում ենք մեր համագործակցության հետագա ամրապնդմանը ինչպես երկկողմ, այնպես էլ այլ ձևաչափերով, ներառյալ NB8-ը»,- գրել է Արարատ Միրզոյանը սոցցանցի X հարթակում: