ՀՀ վարչապետը շնորհավորել է Վրաստանի նորընտիր նախագահին

ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանը շնորհավորել է Միխայիլ Կավելաշվիլիին Վրաստանի նախագահի պաշտոնում ընտրվելու կապակցությամբ։ 

«Արմենպրես»-ի փոխանցմամբ՝ ՀՀ վարչապետը շնորհավորական ուղերձը հրապարակել է X-ի իր միկրոբլոգում։

«Ջերմորեն շնորհավորում եմ Միխեիլ Կավելաշվիլիին՝ Վրաստանի նախագահի պաշտոնում ընտրվելու կապակցությամբ։

Հայաստանն ակնկալում է ամրապնդել մեր երկու երկրների ռազմավարական գործընկերությունը և զարգացնել համագործակցությունը բոլոր մակարդակներում:

Մաղթում եմ ամենայն հաջողություն այս կարևոր պաշտոնում>,- նշված է ՀՀ վարչապետի գրառման մեջ։ 

Դեկտեմբերի 14-ի ընտրությունների արդյունքներով Վրաստանի նախագահ է ընտրվել Միխայիլ Կավելաշվիլին։ 

I warmly congratulate Mikheil Kavelashvili on his election as President of Georgia.

Armenia looks forward to strengthening our strategic partnership and advancing cooperation across all levels. Wishing him every success in this vital role! 🇦🇲 🇬🇪

— Nikol Pashinyan (@NikolPashinyan) December 14, 2024