ԱԺ նախագահի պարտականությունները ժամանակավորապես կկատարի Ռուբինյանը. ԱԺ նախագահ Սիմոնյանը պաշտոնական այցով կգտնվի Հնդկաստանում

ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ։ Ազգային ժողովի նախագահ Ալեն Սիմոնյանի որոշմամբ՝ դեկտեմբերի 16-20-ը ներառյալ ԱԺ նախագահի պարտականությունները ժամանակավորապես կկատարի ԱԺ նախագահի տեղակալ Ռուբեն Ռուբինյանը։ «Արմենպրես»-ի հաղորդմամբ՝  ըստ սահմանված կարգի՝ այս ժամանակահատվածում Ազգային ժողովի նախագահի պարտականությունների կատարումը վստահված է Ռուբեն Ռուբինյանին՝ ԱԺ աշխատանքների շարունակականությունը ապահովելու համար։

ԱԺ նախագահի կարգադրությունը ստորագրվել է 2024 թվականի դեկտեմբերի 12-ին։

Ազգային ժողովի նախագահ Ալեն Սիմոնյանը պաշտոնական այցով դեկտեմբերի 15-20-ը կգտնվի Հնդկաստանում։