1 րոպեի ընթերցում
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ։ Ֆրանսիայի մշակույթի նախարար Ռաշիդա Դատին, ով հրաժարական է տալիս կառավարությանն անվստահություն հայտնելուց հետո, մտադիր է ապահովել, որ Աստվածամոր տաճարի մուտքը վճարովի դառնա բոլոր նրանց համար, ովքեր չեն հաճախում կրոնական պատարագի։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
2026-ին Փարիզում կայանալիք մունիցիպալ ընտրությունների քարոզարշավը սկսելու կապակցությամբ նախարարը կրկնել է իր դիրքորոշումը։ «Ես մտադիր եմ դրան հասնել», - ասել է նա իր համախոհների հետ հանդիպման ժամանակ։
Նրա խոսքով՝ զբոսաշրջիկները, ովքեր գալիս են, օրինակ, Ավստրալիայից, չեն հաշվարկում իրենց բյուջեն 30 եվրոյի ճշգրտությամբ։
Զբոսաշրջիկների համար Աստվածամոր տաճար մուտք գործելու համար հինգ եվրո վճարի գաղափարը Դատին ներկայացրել է հոկտեմբերի 23-ին: Նրա խոսքով՝ դա տարեկան կհանգանակի 75 միլիոն եվրո, ինչը կփրկի Փարիզի և Ֆրանսիայի բոլոր եկեղեցիները։ Փարիզի թեմը դեմ էր նման նախաձեռնությանը՝ հիշեցնելով եկեղեցիների և պետության բաժանման մասին օրենքը և եկեղեցու հիմնարար առաքելությունը՝ ընդունել բոլոր տղամարդկանց և կանանց առանց որևէ պայմանի։