Մարզերում մինչև 2021 թվականը կառուցված ինքնակամ շինություններն օրինականացնելու համար անհրաժեշտ է դրանք հաշվառել Կադաստրի կոմիտեում
1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Հանրապետության մարզերում մինչև 2021թ-ը կառուցված ինքնակամ շինություններն օրինականացնելու համար անհրաժեշտ է պարտադիր կերպով դրանք հաշվառել Կադաստրի կոմիտեում՝ Կառավարության կողմից սահմանված հաշվառման կարգի համաձայն:
«Արմենպրես»-ի փոխանցմամբ՝ այս մասին հայտարարություն է տարածել Կադաստրի կոմիտեն, հիշեցնելով, որ բացառապես գյուղական բնակավայրեր ընդգրկող համայնքներում կառուցված ինքնակամ կառույցների հաշվառումը կշարունակվի մինչև 2025 թվականի հունվարի 1-ը։
2024 թվականի հունվարի 1-ից ավարտվել է քաղաքային բնակավայր ընդգրկող խոշորացված համայնքներում կառուցված ինքնակամ կառույցների հաշվառումը։