Ադրբեջանի, Ղազախստանի և Ուզբեկստանի նախագահների եռակողմ հանդիպում է տեղի ունեցել

ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Նոյեմբերի 13-ին Բաքվում կայացել է Ադրբեջանի Հանրապետության նախագահ Իլհամ Ալիևի, Ղազախստանի Հանրապետության նախագահ Կասիմ-Ժոմարտ Տոկաևի և Ուզբեկստանի Հանրապետության նախագահ Շավքաթ Միրզիյոևի եռակողմ հանդիպումը։

Ինչպես հաղորդում է «Արմենպրես»-ը, այս մասին հայտնում են ադրբեջանական ԶԼՄ-ները: 

Եռակողմ հանդիպմանը ստորագրվել է «Համաձայնագիր Ադրբեջանի Հանրապետության, Ղազախստանի Հանրապետության և Ուզբեկստանի Հանրապետության կառավարությունների միջև կանաչ էներգիայի զարգացման և փոխանցման ոլորտում ռազմավարական գործընկերության մասին»։

Նախագահները Բաքու են այցելել մասնակցելու ՄԱԿ-ի Կլիմայի փոփոխության հարցերով 29-րդ համաժողովին (COP29):