1 րոպեի ընթերցում
ԳԱՎԱՌ, 1 ՆՈՅԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի ծննդօգնություն իրականացնող բուժհիմնարկներում 2024 թվականի հոկտեմբեր ամսին ծնվել է 161 երեխա՝ 93 տղա և 68 աղջիկ։
Ինչպես «Արմենպրես»-ը տեղեկացավ Գեղարքունիքի մարզպետի աշխատակազմի առողջապահության և սոցիալական հարցերի վարչությունից, Մարտունու ծննդատանը լույս աշխարհ է եկել 79, Սևանի ԲԿ-ում՝ 33, Գավառի ԲԿ-ում՝ 33, Վարդենիսի ԲԿ-ում՝ 13, Ճամբարակի առողջության կենտրոնում՝ 3 երեխա։
2023 թվականի հոկտեմբերին Գեղարքունիքի մարզի ծննդօգնություն իրականացնող բուժհիմնարկներում լույս աշխարհ է եկել 207 երեխա՝ 121 տղա, 86 աղջիկ։
Խոսրով Խլղաթյան