«Հայկական ավիաուղիներ»-ը դեկտեմբերի 26-ից հունվարի 12-ը ուղիղ չվերթներ կիրականացնի դեպի Բաթում
1 րոպեի ընթերցում
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: «Հայկական ավիաուղիներ»-ը դեկտեմբերի 26-ից հունվարի 12-ը ուղիղ չվերթներ կիրականացնի դեպի Բաթում։
Թռիչքի տևողություն 1 ժամ 5 րոպե է:
«Արմենպրես»-ի փոխանցմամբ՝ «Հայկական ավիաուղիներ»-ից նաև հայտնում են, որ Մոսկվայից ուղևորները նույնպես կարող են հեշտությամբ հասնել Բաթում՝ շնորհիվ Երևանով հարմարավետ, տարանցիկ թռիչքների՝ «Շերեմետևո» միջազգային օդանավակայանից:
«Թռիչքների մեկնարկը լավ հնարավորություն է նաև Վրաստանի զբոսաշրջիկների համար՝ տոնական օրերն անցկացնել Երևանում»,- նշված է ընկերության տարածած հաղորդագրության մեջ: