398.64
Հայաստանը կարևորում է Չեխիայի հետ բարեկամական հարաբերությունների զարգացումը. Նիկոլ Փաշինյանը շնորհավորել է Պետր Ֆիալային
1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ՀԱնրապետության վարչապետ Նիկոլ Փաշինյանը Չեխիայի Ազգային տոնի առիթով շնորհավորական ուղերձ է հղել Չեխիայի վարչապետ Պետր Ֆիալային:
Ինչպես «Արմենպրես»-ը տեղեկանում է ՀՀ վարչապետի աշխատակազմի տարածած շնորհավորանքից, ուղերձում ասվում է.
«Ջերմորեն շնորհավորում եմ Չեխիայի Ազգային տոնի՝ Անկախ Չեխոսլովակյան պետության օրվա առթիվ:
Հայաստանը կարևորում է Չեխիայի հետ փոխադարձ հարգանքի և վստահության վրա հիմնված բարեկամական հարաբերությունների շարունակական զարգացումը թե՛ երկկողմ, թե՛ բազմակողմ հարթակներում:
Երախտագիտություն եմ հայտնում Չեխիային՝ Հայաստանում իրականացվող ժողովրդավարական բարեփոխումներին, Հայաստանի՝ Եվրամիության հետ մերձեցմանը, ինչպես նաև մեր տարածաշրջանում խաղաղության և կայունության հաստատման ու ամրապնդման գործընթացին աջակցություն ցուցաբերելու համար»:
Բաժանորդագրվեք մեր ալիքին Telegram-ում