1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության արտաքին գործերի նախարարությունը Հանրապետության օրվա առթիվ շնորհավորել է Ղազախստանի կառավարությանն ու ժողովրդին։
«Արմենպրես»-ի հաղորդմամբ՝ այս մասին նշված է ՀՀ ԱԳ նախարարության X-ի միկրոբլոգում կատարված գրառման մեջ։
«Սրտանց շնորհավորում ենք Ղազախստանի ժողովրդին և կառավարությանը՝ Հանրապետության օրվա կապակցությամբ։
Հայաստանն ակնկալում է Երևանի և Աստանայի միջև ապագային ուղղված ռազմավարական համագործակցության հետագա զարգացում՝ հիմնված փոխադարձ հարգանքի և վստահության վրա», - իր գրառման մեջ նշել է ՀՀ ԱԳ նախարարությունը։