368.54
ՌԴ պաշտպանության նախարարը ժամանել է Պեկին՝ Չինաստանի ռազմական ղեկավարության հետ բանակցությունների
1 րոպեի ընթերցում
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանի պաշտպանության նախարար Անդրեյ Բելոուսովը պաշտոնական այցով ժամանել է Պեկին՝ բանակցություններ վարելու Չինաստանի ռազմական և ռազմաքաղաքական ղեկավարության հետ։ Այդ մասին «Արմենպրես»-ը տեղեկանում է ՏԱՍՍ գործակալությունից:
«Այցի ընթացքում ՌԴ պաշտպանության նախարարը մի շարք բանակցություններ կվարի երկրի ռազմական և ռազմաքաղաքական ղեկավարության հետ», - հաղորդել են Ռուսաստանի ռազմական գերատեսչությունում։
ՌԴ պաշտպանության նախարարությունում պարզաբանել են, որ ՉԺՀ Կենտրոնական ռազմական խորհրդի շենքի մոտ տեղի է ունեցել Ռուսաստանի պատվիրակության պաշտոնական դիմավորման արարողությունը՝ պատվո պահակախմբի վաշտի և նվագախմբի մասնակցությամբ։ Չինաստանի պաշտպանության նախարար ծովակալ Դուն Ցզյունը ողջունել է Ռուսաստանի ռազմական գերատեսչության ղեկավարին։ ՌԴ պաշտպանության նախարարը նաև Պեկինի Տյանանմենի հրապարակում ծաղկեպսակ է դրել Ժողովրդական հերոսների հուշարձանին:
Բաժանորդագրվեք մեր ալիքին Telegram-ում