Արամ Հակոբյանը «Oskemen open»-ի առաջատարից հետ է 1,5 միավորով

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանը ներկայացնող շախմատիստներ Արամ Հակոբյանը և Մանուէլ Պետրոսյանը շարունակում են ելույթները ղազախական «Oskemen open»-ում:

«Արմենպրես»-ի հաղորդմամբ` 7 տուրից հետո Արամ Հակոբյանը 7 հնարավորից հավաքելով 5 միավոր՝ կիսում է 6-14-րդ հորիզոնականները: Մանուէլ Պետրոսյանը հավաքել է 4,5 միավոր և 17-րդն է: Առաջատարը 6,5 միավորով Վիտալի Բերնադսկին է:

«Oskemen open»-ի Masters մրցաշարին մասնակցում է 121 շախմատիստ: Մրցաշարի ամենաբարձր վարկանիշն ունի Մանուէլ Պետրոսյանը: «Oskemen open»-ն անցկացվում է շվեյցարական մրցակարգով ու բաղկացած է 10 տուրից: