«Ջազը և դասականը» համերգային ծրագրով Երևանում հանդես կգա աշխարհահռչակ դաշնակահար Դենիս Մացուևը
1 րոպեի ընթերցում
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանում նոյեմբերի 8-ին աշխարհահռչակ դաշնակահար Դենիս Մացուևը և հանրաճանաչ ընկերները հանդես կգան «Ջազը և դասականը» համերգային ծրագրով:
«Արմենպրես»-ի փոխանցմամբ՝ համերգի ընթացքում կներկայացվի դասական և ջազային երաժշտություն՝ համեմված իմպրովիզներով
Համերգին մասնակցում են Անդրեյ Իվանովը (կոնտրաբաս), Ալեքսանդր Սինգերը (հարվածայիններ), Եկատերինա Մոչալովան (դոմրա), Բորիսլավ Ստրուլևը (թավջութակ), Սոֆյա Տյուրինան (սաքսոֆոն):
Համերգը տեղի կունենա Դվին Մյուզիք Հոլլում:
«Երևանյան հեռանկարներ» միջազգային երաժշտական փառատոնի շրջանակներում Դենիս Մացուևը նոյեմբերի 9-ին համերգով հանդես կգա նաև Արամ Խաչատրյանի համերգասրահում։