Qatar Airways-ը չեղարկել է միայն դեպի Երևան նախորդ գիշերվա թռիչքը. Քաղավիացիայի կոմիտեի պարզաբանումը

ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Qatar Airways ավիաընկերությունն այս պահի դրությամբ Մերձավոր Արևելքում իրավիճակի սրման ֆոնին չեղարկել է դեպի Երևան միայն նախորդ գիշեր նախատեսված թռիչքը: 

«Արմենպրես»-ի հետ զրույցում Քաղաքացիական ավիացիայի կոմիտեից պարզաբանեցին, որ այս պահի դրությամբ ավիաընկերությունը նախատեսված որևէ այլ չվերթ չի չեղարկել:

Ըստ «Զվարթնոց» օդանավակայանի պաշտոնական կայքի՝ նախատեսված է, որ Qatar Airways-ի ինքնաթիռը Դոհայից Երևան պետք է ժամանի հոկտեմբերի 3-ին ժամը 00:50: