1 րոպեի ընթերցում
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Հնդկաստանի վարչապետ Նարենդրա Մոդին Իսրայելի վարչապետ Բենիամին Նեթանյահուի հետ հեռախոսազրույցից հետո ասել է, որ ահաբեկչությունն աշխարհում տեղ չունի։
«Վարչապետ Նեթանյահուի հետ խոսել եմ Արևմտյան Ասիայի վերջին զարգացումների մասին: Ահաբեկչությունը տեղ չունի մեր աշխարհում: Չափազանց կարևոր է կանխել էսկալացիան տարածաշրջանում և ապահովել բոլոր պատանդների անվտանգ ազատ արձակումը»,- ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին «X» սոցիալական հարթակի միջոցով հայտարարել է Մոդին։
Նա հավելել է, որ Հնդկաստանը հավատարիմ է աջակցելու խաղաղության և կայունության արագ վերականգնմանն ուղղված ջանքերին։