Ծանրորդ Էմմա Պողոսյանը դարձել է երիտասարդների ԱԱ-ի ոսկե մեդալակիր

ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ծանրամարտի կանանց հավաքականի անդամ Էմմա Պողոսյանը դարձել է աշխարհի երիտասարդների առաջնության ոսկե մեդալակիր:

«Արմենպրես»-ի հաղորդմամբ` Իսպանիայի Լեոն քաղաքում ընթացող ծանրամարտի կանանց 81 կգ քաշային կարգի պայքարում Էմմա Պողոսյանը պոկում վարժությունում 100 կգ արդյունքով զբաղեցրել է 5-րդ հորիզոնականը, իսկ հրում վարժությունում` բարձրացնելով 133 կգ, դարձել է ոսկե մեդալակիր:  Երկամարտի 233 կգ արդյունքով Պողոսյանը նվաճեց աշխարհի երիտասարդների առաջնության չեմպիոնի կոչումը:

Ավելի վաղ Հայաստանի ներկայացուցիչներ Ալեքսանդրա Գրիգորյանն ու Աննա Ամրոյանը նվաճել էին երիտասարդական ԱԱ-ի բրոնզե մեդալները: