Հնդկաստանը պատրաստակամ է ամրացնել բարեկամությունը՝ խթանելով Հայաստան-Հնդկաստան համագործակցությունն ու տնտեսական կապերը. Դրուփադի Մուրմու
1 րոպեի ընթերցում
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ։ Հնդակաստանի նախագահ Դրուփադի Մուրմուն իր երկրի կառավարության, հնդիկ ժողովրդի և անձամբ իր անունից ջերմագին ողջույններ և բարեմաղթանքներ է հղել ՀՀ նախագահ Վահագն Խաչատուրյանին և բարեկամ հայ ժողովրդին՝ Անկախության օրվա առթիվ։
«Արմենպրես»-ի հաղորդմաբ՝ Հնդաստանի նախագահը մասնավորապես նշել, է, որ երկու երկրների և ժողովուրդների միջև առկա խորը բարեկամությունը խարսխված է ընդհանուր պատմության և փոխադարձ հարգանքի վրա և բարգավաճում է տարբեր ասպարեզներում։
«Հնդկաստանը պատրաստակամ է հետագայում նույնպես ամրացնել բարեկամությունը՝ խթանելով երկկողմ համագործակցությունն ու տնտեսական կապերը, ինչպես նաև անմիջական շփումները մեր երկրների քաղաքացիների միջև։ Համոզված եմ, որ փոխշահավետ երկկողմ և բազմակողմ հարաբերությունները կշարունակվեն ամրապնդվել՝ ծառայելով մեր երկրների ժողովուրդների հետաքրքրություններին ու շահերին։ Օգտվելով առիթից՝ ցանկանում եմ Ձեզ հղել իմ լավագույն բարեմաղթանքները, մաղթել առողջություն, իսկ բարեկամ հայ ժողովրդին՝ խաղաղություն, զարգացում և բարգավաճում։ Ընդունեք իմ խորին հարգանաց հավաստիքը»,- գրել է Հնդակստանի նախագահն իր ուղերձում։