366.69
ՏԿԵ նախարարության անելիքը ժամանակակից ենթակառուցվածքներով հագեցած Հայաստան ունենալն է. Գնել Սանոսյան
1 րոպեի ընթերցում
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության տարածքային կառավարման և ենթակառուցվածքների նախարար Գնել Սանոսյանի կարծիքով՝ իր կողմից գլխավորվող գերատեսչության գլխավոր անելիքը Հայաստանի մարզերին և համայնքներին բավարար չափով ուշադրություն դարձնելն է, մարզերում զանազան ծրագրեր իրականացնելը։
«Արմենպրես»-ի հաղորդմամբ՝ ՀՀ ՏԿԵ նախարարը նման կարծիք հայտնեց Համաշխարհային հայկական գագաթնաժողովի ընթացքում՝ անդրադառնալով ոլորտում իրականացվող աշխատանքներին։
Սանոսյանի բնութագրմամբ՝ նախարարության հիմնական անելիքներից է հանդիսանում նաև այնպիսի քայլերի ու աշխատանքների իրականացումը, որոնք ժամանակակից Հայաստանը կդարձնեն ժամանակակից ենթակառուցվածքներով հագեցած, երկիրը կունենա բարեկեցիկ ու համաչափ զարգացած բնակավայրեր։
«Մեր նախարարության երկրորդ մեծ գործառույթն արդեն հանրապետական ավելի մեծ մասշտաբի ենթակառուցվածքներն ու ոլորտներն են։ Դա էներգետիկան է, ընդերքի ոլորտը, տրանսպորտը, ճանապարհաշինությունը, պետական գույթի կառավարումը, ջրային ոլորտը և այլն», - իր խոսքում նշեց Գնել Սանոսյանը՝ հավելելով, որ ավելի ուշ կփորձի ներկայացնել նշված ոլորտներում առկա իրավիճակն ու անելիքները։
Բաժանորդագրվեք մեր ալիքին Telegram-ում