Գազայի հատվածում զոհերի թիվը գերազանցել է 41,2 հազարը

ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Գազայի հատվածում Իսրայելի զինուժի հարվածների հետևանքով պաղեստինցի զոհերի ընդհանուր թիվը հասել է 41 հազար 206-ի, իսկ վիրավորներինը՝ 95 հազար 337-ի։

«Արմենպրես»-ի հաղորդմամբ՝ այս մասին նշված է Գազայի առողջապահական գերատեսչության տարածած հաղորդագրության մեջ:

Ըստ աղբյուրի՝ իսրայելական զինված ուժերի հարվածներից վերջին 24 ժամվա ընթացքում զոհվել է 24 մարդ, վիրավորվել 57-ը։