Գազայի հատվածին իսրայելական հարվածների հետևանքով զոհերի թիվը հասել է 41182-ի

ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ։ Գազայի հատվածի վրա Իսրայելի հարվածների հետևանքով, որոնք շարունակվում են 2023 թվականի հոկտեմբերի 7-ից, զոհերի թիվը հասել է 41,182-ի, ավելի քան 95,000 մարդ վիրավորվել է։ 

Ինչպես տեղեկացնում է «Արմենպրես»-ը, այդ մասին հայտնել է Գազայի առողջապահության նախարարությունը։

Վերջին երկու օրվա ընթացքում Գազայի հատվածում իսրայելական ավիահարվածների հետևանքով զոհվել է 64 մարդ։