Բունդեսթագի պատգամավորն առաջարկել է Ուկրաինայում հակամարտության կարգավորման կոնտակտային խումբ ստեղծել

ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ։ Բունդեսթագի Սոցիալ-դեմոկրատական ​​կուսակցության խմբակցության ղեկավար Ռոլֆ Մյուտցենիխը հանդես է եկել Ուկրաինայում հակամարտության խաղաղ կարգավորման նպատակով «կոնտակտային խմբի» ստեղծման առաջարկով։  

«Իմ կարծիքով, այժմ ժամանակն է, որ արևմտյան դաշնակիցները նախաձեռնեն կոնտակտային խմբի ստեղծում՝ գործընթացը սկսելու համար»,- «Արմենպրես»-ի փոխանցմամբ՝ ասել է Մյուտցենիխը։

Պատգամավորը նշել է, որ ինքը կարող է միջնորդի դեր կատարել։