Մեկնարկում է շախմատի համաշխարհային 45-րդ օլիմպիադան. հայտնի են Հայաստանի տղամարդկանց և կանանց հավաքականների կազմերը
1 րոպեի ընթերցում
![Մեկնարկում է շախմատի համաշխարհային 45-րդ օլիմպիադան. հայտնի են Հայաստանի տղամարդկանց և կանանց հավաքականների կազմերը](http://armenpress.am/resized/480/storage/images/articles/2024/09/10/TCsPY1vsiH2UOuaHFWFwWh7pRNOvnm4B1rDUVIoP.webp)
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ։ Հունգարիայի մայրաքաղաք Բուդապեշտում սեպտեմբերի 10-ից 23-ը կանցկացվի շախմատի համաշխարհային 45-րդ օլիմպիադան: «Արմենպրես»-ի փոխանցմամբ՝ այս մասին հաղորդագրություն է տարածել Հայաստանի շախմատի ֆեդերացիան։
Հայաստանի տղամարդկանց հավաքականի կազմում հանդես կգան Հայկ Մարտիրոսյանը, Շանթ Սարգսյանը, Գաբրիել Սարգսյանը, Ռոբերտ Հովհաննիսյանը և Կարեն Գրիգորյանը: Հավաքականի մարզիչն է Արման Փաշիկյանը:
Կանանց հավաքականի կազմում հանդես կգան Լիլիթ Մկրտչյանը, Մարիամ Մկրտչյանը, Էլինա Դանիելյանը, Աննա Սարգսյանը և Սուսաննա Գաբոյանը: Հավաքականի մարզիչն է Զավեն Անդրիասյանը:
Հայաստանի տղամարդկանց հավաքականը մեկնարկային աղյուսակում 197 երկների մեջ վարկանիշով զբաղեցնում է 17-րդ տեղը, իսկ կանանց հավաքականը 184 երկրների մեջ՝ 11-րդ տեղը:
Մասնակից թիմերի ամբողջական ցանկին կարող եք ծանոթանալ այստեղ:
Առաջին խաղափուլը կմեկնարկի սեպտեմբերի 11-ին՝ Հայաստանի ժամանակով 17:00-ին։