Քենիայի դպրոցներից մեկում բռնկված հրդեհն առնվազն 17 մարդու կյանք է խլել

ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ։ Քենիայի գիշերօթիկ դպրոցներից մեկում գիշերը բռնկված հրդեհի հետևանքով առնվազն 17 աշակերտ է զոհվել։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։

Կան մտավախություններ, որ զոհերի թիվը կարող է աճել, քանի որ ևս 14 հոգի ուժեղ այրվածքներով տեղափոխվել է հիվանդանոց։ 

Հրդեհի պատճառները պարզելու համար կատարվում է հետաքննություն։