Պաղեստինը BRICS-ին անդամակցելու հարցում կներկայացնի
1 րոպեի ընթերցում
![Պաղեստինը BRICS-ին անդամակցելու հարցում կներկայացնի](http://armenpress.am/resized/480/storage/images/articles/2024/08/26/cnYYTu5tmjtun3LqzK4BNcSNZO15Vge9NovhqsK8.webp)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ։ Կազանում հոկտեմբերին կայանալիք BRICS-ի գագաթնաժողովին մասնակցելուց հետո Պաղեստինը ասոցիացիային միանալու հարցում կուղարկի։
«Արմենպրես»-ի հաղորդմամբ՝ այս մասին ասուլիսի ընթացքում ռուսական Коммерсант-ի հարցին ի պատասխան նշել է Ռուսաստանում Պաղեստինի դեսպան Աբդել Հաֆիզ Նոֆալը։
«Գագաթնաժողովի հրավերի փաստը դրական մեսիջ է պաղեստինյան ժողովրդին և Պաղեստինի ղեկավարությանը»,- ասել է դեսպանը։
Նրա խոսքով՝ ՌԴ նախագահ Վլադիմիր Պուտինը խոստացել է, որ BRICS-ի գագաթնաժողովը ամբողջությամբ նվիրված կլինի Պաղեստինին։
«Հետևաբար, մենք ամենադրական ակնկալիքներն ունենք գագաթնաժողովից»,- հավելել է Աբդել Հաֆիզ Նոֆալը:
Օգոստոսի 12-ից 14-ը նախագահ Վլադիմիր Պուտինի հրավերով Մոսկվայում էր Պաղեստինի նախագահ Մահմուդ Աբասը։ Այս հանդիպման ժամանակ Ռուսաստանի ղեկավարը Պաղեստինին հրավիրել է ԲՐԻԿՍ-ի առաջիկա գագաթնաժողովին։